Skyldleikur

Skyldleikur er leikur með allar kynslóðir, fyrir allar kynslóðir, byggður á Íslendingabók.

Í leiknum er eitt borð fyrir hvern ættlið, þar sem keppandi spreytir sig á spurningum um forfeður sína úr viðkomandi ættlið.  Stig (og fuglar) eru gefin fyrir rétt svör og því fleiri fást eftir því sem hraðar er svarað.  Þannig má verða leiknari í eigin ættfræði og hafa gaman að!

Leikurinn er aðgengilegur sem vef-app

• á slóðinni skyldleikur.nemur.net

• Skyldleikur í Chrome vefbúðinni

Einnig til fyrir spjaldtölvur og snjallsíma

• • Skyldleikur í App Store (fyrir iPhone, iPod touch og iPad)

Björn Þór Jónsson þróaði hugmyndina ásamt Eddu Láru Kaaber og útfærði tæknilega.

Appið er forritað í JavaScript á móti HTML5 og CSS og byggir á jQuery Mobile rammanum. Útgáfur fyrir snjallsíma og spjaldtölvur eru keyrðar út með PhoneGap Build.  Vefappið er knúið af node.js og hýst hjá Nodejitsu. Haldið er utan um frumkóðann á GitHub: https://github.com/bthj/Skyldleikur .

Einar Jón Kjartansson sá um útlitshönnun og gekk út frá því að viðmótið yrði sem mýkst svo það myndi höfða til sem flestra. Litavalið og fígúrurnar eiga að vera til þess fallnar að virka aðlaðandi á alla aldurshópa. Sérstök áhersla var lögð á að glæða áhuga á ættfræði hjá yngri kynslóðinni með litavali og grafík, sem ætti þó engu að síður að höfða til eldri kynslóðarinnar. Þannig var leitast við að útlit leiksins yrði liður í að brúa kynslóðabilið. Sjá yfirlit Einars Jóns um útlitshönnun í viðhengi hér að neðan.

Hlín Leifsdóttir kom að hugmyndavinnu og markaðssetningu leikjarins á samfélagsmiðlum.